(روزنامہ قدس ۔آن لائن خبر رساں ادارہ) فلسطینی النجاح نیشنل یونیورسٹی کو دنیا کی بہترین 800بین القوامی میعار کی جامعیات کی فہرست میں شامل کرلیاگیا ہے۔
فلسطین کے مقبوضہ مغربی کنارے کے شمالی شہر نابلس میں قائم النجاح یونیورسٹی کے چیئرمین ماھر النتشہ نے نابلس میں وزارت اطلاعات کے دفتر میں ایک پریس کانفرنس سے خطاب کرتے ہوئے بتایا کہ جامعہ النجاح کو دنیا کی 800 بہترین جامعات میں کی فہرست میں شامل کیا گیا ہے جبکہ عرب ممالک میں اس کا نمبر 46 واں ہے۔
ماھر النتشہ کا کہنا تھا کہ گذشتہ برس کی نسبت رواں سال عرب ممالک میں فلسطینی جامعات کا درجہ چار پوائنٹ آگے بڑھا ہے۔ گذشتہ برس فلسطین کی النجاح یونیورسٹی کو عرب دنیا کی 50 ویں درس گاہ قرار دیا گیا تھا۔النتشہ کا کہنا ہے کہ سنہ 2015ء النجاح یونیورسٹی کو عرب ممالک کی 131 جامعات میں شامل کیا گیا تھا۔خیال رہے کہ النجاح یونیورسٹی میں 24 ہزار فلسطینی طلباء اور طالبات زیر تعلیم ہیں۔