فلسطین کی سیاسی جماعتوں کے درمیان مصالحت کے لیے مصر کی ثالثی کے تحت مذاکرات جاری ہیں۔ فلسطین کی مذہبی اورعسکری تنظیم”اسلامی” جہاد کے جنرل سیکرٹری رمضان عبداللہ شلح نے بھی مفاہمت کا عمل آگے بڑھانے کے لیے قاہرہ میں مصری انٹیلی جنس چیف کے ساتھ مذاکرات کیے ہیں۔
قاہرہ میں قائم فلسطین اسٹڈی سینٹر کے ڈائریکٹر ابراہیم الدراوی نے”مرکزاطلاعات فلسطین” سے خصوصی گفتگو کرتے ہوئے کہا کہ قاہرہ میں عبداللہ شلح اور مصری انٹیلی جنس چیف نے ہونے والی ملاقات میں چوبیس نومبر کو حماس اور فتح کی سربراہ ملاقات میں طے پانے والے امورپر اتفاق کیا۔ انہوں نے کہا کہ اسلامی جہاد دو بڑی جماعتوں حماس اورفتح کے طے کردہ مصالحتی روڈ میپ پرعمل درآمد پر تیار ہے۔
اس موقع پر مصری کےانٹیلی جنس چیف نے فلسطینی رہ نما کو بتایا کہ حماس اور فتح کے درمیان مفاہمت کے حوالے سے بیشتر امورپر اتفاق کرلیا گیا ہے۔ اب دونوں جماعتیں بیس دسمبر کو قاہرہ میں ہونے والی ملاقات کی تیاری کر رہی ہیں۔ فلسطین کی دیگرجماعتوں کو بھی ان مذاکرات کی تیاری میں معاونت کرنا چاہیے۔
خیال رہے کہ حال ہی میں فلسطینی جماعت حماس اور صدر محمود عباس کی جماعت الفتح کے درمیان مفاہمت کے ایک فارمولے پر اتفاق ہوا ہے۔ دونوں جماعتوں نے مفاہتمی معاہدے کو آخری شکل دینے کے لیے بیس تاریخ کو دوبارہ ملاقات کریں گی۔