(فلسطین نیوز۔مرکز اطلاعات) فلسطین کی سنہ 1948 ء کے علاقوں میں قائم تنظیم اسلامی تحریک کے سرہرا اور بزرگ فلسطینی رہنما الشیخ رائد صلاح نے پوری قوم پر دفاع قبلہ اوّل کے لیے عہد کی تجدید پر زور دیا ہے۔ ان کا کہنا ہے کہ فلسطینی قوم کو آخر دم تک قبلہ اوّل کے دفاع کے لیے غاصب صہیونیوں کے خلاف لڑنا ہے۔ اس لیے فلسطینی قوم دفاع قبلہ اوّل کے لیے کیے گئے عہد کی تجدید کریں۔
رپورٹ کے مطابق الشیخ رائد صلاح نے مقبوضہ فلسطینی شہر قلنسوہ میں ایک اجتماع سے خطاب کرتے ہوئے کہا کہ فلسطینی عوام زیادہ سے زیادہ وقت قبلہ اوّل میں گذارنے کی روایت برقرار رکھیں۔ اسلامی تحریک اسرائیلی حکومت کی طرف سے عائد کردہ تمام تر پابندیوں کے باوجود دفاع قبلہ اوّل کے لیے شہریوں کو متحرک کرنے کی کوششیں جاری رکھے گی۔
انہوں نے کہا کہ ’’اے اقصیٰ ہمارے ہماری جانیں اور خون تجھ پر فدا ہوں‘‘ ہمارا نعرہ ہی نہیں بلکہ نصب العین ہے۔ فلسطینی قوم اس نعرے کو لے کرآگے بڑھے اوردفاع قبلہ اوّل کے لیے تمام وسائل کو بروئے کار لاتے ہوئے مقدس مقام کی حفاظت کے لیے اپنی ذمہ داریاں پوری کرے۔