غزہ (روز نامہ قدس ۔آن لائن خبر رساں ادارہ) فلسطینی علماء کونسل نے عالم اسلام، عرب ممالک کی حکومتوں، عوام ذرائع ابلاغ اور عالمی برادری پر اسرائیلی ریاست کے منظم جرائم کو بین الاقوامی سطح پر بے نقاب کرنے کی ضرورت پر زور دیا ہے۔
روز نامہ قدس کو موصول ہونے والی اطلاعات کے مطابق فلسطینی علماء کونسل کا اجلاس غزہ کی پٹی میں کونسل کے چیئرمین ڈاکٹر مروان ابو راس کی زیرصدارت ہوا، انہوں نے اسیران سے یکجہتی کے لیے سرگرم سے اپیل کی کہ وہ فلسطینی اسیران کے خلاف اسرائیلی ریاست کے جرائم کو بے نقاب کرنے کے لیے اپنی ذمہ داریاں پوری کرے۔
ڈاکٹر مروان ابو راس کا کہنا تھا کہ اسرائیلی فلسطینی اسیران پرمظالم کے پہاڑ توڑ رہا ہے۔ فلسطینی اسیران کے خلاف اسرائیلی ریاست کے جرائم کو ہرسطح پر بے نقاب کیا جائے گا۔