رام اللہ (روز نامہ قدس ۔آن لائن خبر رساں ادارہ) صیہونی عدالت کے حکم پر شہید فلسطینی اشرف نعالوۃ کی ماں وفاء نعالوہ کو جیل سے رہائی کے بعد ان کے گھر پرنظر بند کردیا گیا ہے۔
روز نامہ قدس کو موصول ہونے والی اطلاعات کے مطابق وفاء نعالوۃ سے رہائی کے بدلے میں 30 ہزار شیکل کی بھاری رقم جرمانے کی شکل میں بھی وصول کی گئی ہے۔ امریکی کرنسی میں یہ رقم 8 ہزار ڈالر کے مساوی ہے۔
مقامی فلسطینی ذرائع نے بتایا کہ اسرائیلی حکام کی طرف سے مسز نعالوۃ کو جیل سے رہائی کے بعد ان کی بیٹی ھنادی نعالوۃ کے گھر پر نظر بند کردیا گیا ہے۔ اس دوران ان کے خلاف عدالت میں مقدمہ چل رہا ہے۔ مقدمہ کی کارروائی مکمل ہونے تک وفاء کو نظر بند رکھا جائے گا۔ 13 مارچ کو ان کی رہائی متوقع ہے۔