طولکرم (روز نامہ قدس ۔آن لائن خبر رساں ادارہ) اسرائیلی حکام نے زیر حراست فلسطینی شہری عبدالھادی جھا الھمشری کو مسلسل 16 سال پابند سلاسل رکھنے کے بعد کل بدھ کے روز رہا کر دیا۔ ان کا تعلق غرب اردن کے شمالی شہر طولکرم سے ہے۔
روز نامہ قدس کو موصول ہونے والی اطلاعات کے مطابق رہائی سے قبل الھمشری کو اسرائیلی حکام نے جنین شہر میں قائم الجلمہ چیک پوسٹ پر لایا گیا جہاں پر انسانی حقوق کی تنظیموں کے مندوبین، اسیر کے اہل خانہ اور دیگر شہریوں کی بڑی تعداد موجود تھی۔ رہائی کے بعد الھمشری دو اسیر ساتھیوں محمد ابو الرب اور کمال ابو وعر کے گھروں میں بھی گئے جہاں ان کے استقبال کے لیے کیمپ لگائے گئے تھے۔
اس کے بعد انہیں طولکرم میں اپنے گھر پر لے جایا گیا جہاں رہائی پانے والے فلسطینی کے عزیز واقارب کی بڑی تعداد موجود تھی۔