( روزنامہ قدس آنلائن خبر رساں ادارہ )فلسطینی حکومت کا ٹیکس کے معاملے پر ایک لیگل کمیٹی تشکیل دینے کا فیصلہ۔فلسطینی وزیر اعظم محمد اشتیہ کے مطابق کمیٹی اسرائیل کی جانب سے فلسطینوں کی ٹیکس آمدنی کی چوری کا جائزہ لے گی۔
تفصیلات کے مطابق فلسطینی وزیر اعظم محمد اشتیہ نے ہفتہ وار اجلاس کی سربراہی کے بعد میڈیا سے گفتگو کرتے ہوئے کمیٹی کی تشکیل کا اعلان کیا،انہوں نے یہ بھی کہا کہ کمیٹی فلسطینی مزدوروں کے معاوضے میں کٹوتی اور دیگر شکایات کا بھی جائزہ لے گی۔
محمد اشتیہ کا کہنا تھا کہ انکی حکومت نے دوہا تعاون پیکیج کے تحت قطری قرض کی پہلی قسط وصول کرلی ہے، جو کہ فلسطینی عوام کی بہبود کے لیے استعمال کی جائے گی۔
یاد رہے کہ قطر کی جانب سے فراہم کردہ مکمل رقم کا کل حجم 480 ملین ہے جس میں سے 50 ملین امداد ہے،250 ملین بطور قرض دیئے گئے ہیں جب کہ 180 ملین غزہ کے رہائشیوں کو بجلی کی فراہمی کی مد میں رکھے گئے ہیں۔