(روزنامہ قدس ۔آن لائن خبر رساں ادارہ) فلسطین میں اسلامی مزاحتمی تحریک "حماس” کا کہنا ہے کہ رہنماؤں اور کارکنوں کی بے جا گرفتاریاں قابل مذمت ہیں جنکا مقصد خوف کا ماحول پیداکرنے کے ساتھ ساتھ حوصلوں کو پست کرنا ہے ۔
فلسطین پر قابض صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک "حماس "ک ے رہنما "عبد الحکیم حنینی "نے "غرب اردن "کے جنوبی شہر "الخلیل "میں جماعت کے رہ نماؤں کی گرفتاریوں پر اپنے رد عمل میں کہا ہے کہ حماس کے رہنماؤں او رکارکنان کے خلاف غیر قانونی کریک ڈاؤن اور بے جا گرفتاریاں حوصلوں کو پست کرنے کی مذموم صیہونی کوششیں ہیں
کہا کہ رہنماؤں کی بڑے پیمانے پر گرفتاریوں کی مہم کا مقصد جماعت کو خوف زدہ کرنا ہے۔حیننی نے زور دے کر کہا کہ جماعت کے کارکنان اور رہ نمائوں کو جیلوں میں ڈالنا اور انہیں طویل عرصے تک قید کی سزائیں دینا شرمناک ہے۔حماس رہ نما نے فلسطینی اتھارٹی اور اسرائیلی فوج کے درمیان جماعت کے کارکنوں کی گرفتاریوں کے بڑھتے واقعات کی مذمت کی اور کہا کہ رام اللہ اتھارٹی اور قابض فوج نے حماس کے کارکنوں اور رہ نمائوں کی گرفتاریوں کی باریاں مقرر کر رکھی ہیں۔