(روز نامہ قدس ۔آنلائن خبر رساں ادارہ ) صیہونی فوج نے رفح پر حملے شروع کردیئے ہیں جہاں 1.3 ملین فلسطینی پناہ لئے ہوئے ہیں۔
فلسطینی نیوز ایجنسی (وفا) کی رپورٹ کےمطابق غزہ کی پٹی پر غیر قانونی صیہونی افواج کی جارحیت 128ویں دن بھی جاری ہے گذشتہ 24 گھنٹوں کے دوران صیہونی فوج نے 30 سے زائد مقامات پر بمباری کی جس میں خواتین اور بچوں سمیت 112 فلسطینی شہید اور 173 زخمی ہوئے جس کے بعد 7 اکتوبر سے اب تک فلسطینی شہداء کی تعداد 28 ہزار 176 ہوگئی ہے۔
غاصب فوج نے جنوبی غزہ کی پٹی میں رفح کے مشرق میں ایک مکان پر بمباری کے نتیجے میں کم از کم 25 شہری شہید اور درجنوں زخمی ہوگئے، جبکہ قابض فوج نے پٹی کے وسط میں واقع علاقوں پر بمباری کی جس کے نتیجے میں 25 شہری شہید اور زخمی ہوگئے۔
اسرائیلی جنگی طیاروں نے اتوار کی صبح خان یونس کے جنوب میں واقع علاقوں پر پرتشدد حملوں کا سلسلہ شروع کیا۔ مقامی ذرائع نے اطلاع دی ہے کہ قابض جنگی طیاروں نے وسطی غزہ کی پٹی میں دیر البلاح میں ابو سلمیہ خاندان کے ایک گھر پر بمباری کی جس کے نتیجے میں ایک خاتون جاں بحق اور ایک بچے سمیت متعدد افراد زخمی ہوگئے۔
اسرائیلی قابض طیاروں نے رفح کے علاقے میں پرتشدد حملے جاری رکھے ہوئے ہیں ہیں جہاں 1.3 ملین فلسطینی پناہ لئے ہوئے ہیں۔