(روز نامہ قدس ۔آنلائن خبر رساں ادارہ) ایک جانب غیر قانونی صیہونی ریاست غزہ میں جنگ بندی کے لئے قطرمیں مذاکرات کررہی ہے تو دوسری جانب نسل کشی کی کارروائیاں بھی جاری ہیں، غاصب فورسز نے گذشتہ چوبیس گھنٹوں کے دوران غزہ کے مختلف علاقوں میں وحشیانہ بمباری کا سلسلہ 426 ویں روز بھی جاری رکھا ہوا ہے۔
وزارت صحت کی جانب سے جاری کردہ اسرائیلی نسل کشی کی تازہ تفصیلات کےمطابق غاصب فوج نے گذشتہ 24 گھنٹوں کے دوران بچوں اور خواتین سمیت مزید 48 فلسطینیوں کو شہید اور 150 سے زائد کو زخمی کردیا ہے۔ رپورٹ میں بتایا گیا ہے کہ سات اکتوبر سے جاری اسرائیلی دہشتگردی میں اب تک شہید ہونے والوں کی تعداد 44,580 ہوگئی ہے جبکہ 105,538 زخمی ہیں۔