(روز نامہ قدس ۔آنلائن خبر رساں ادارہ ) سات اکتوبر سے جاری اسرائیلی دہشتگردی میں اب تک 16 ہزار سے زائد بچے 11 ہزار سے زائد خواتین شہید ہوچکی ہیں جبکہ ایک لاکھ کے قریب فلسطینی زخمی اور 10 ہزارسے زائد تاحال لاپتہ ہیں۔
فلسطینی ذرائع ابلاغ کے مطابق فلسطین پر قابض غیر قانونی صیہونی ریاست اسرائیل کی جانب سے مقبوضہ فلسطین کے محصور شہر غزہ پر اسرائیلی دہشتگردی اور وحشیانہ بمباری آج مسلسل 336 ویں روز بھی جاری ہے، جس میں پرتشدد بمباری سے عمارتوں، اسکولوں اور صحت کے مراکز سمیت تمام ضروریات زندگی کو تباہ کر دیا گیا ہے۔
سات اکتوبر سے جاری وحشیانہ اسرائیلی بمباری میں اب تک 16 ہزار سے زائد بچے 11 ہزار سے زائد خواتین سمیت 40,878 فلسطینی شہید اور 94,454 زخمی ہوچکے ہیں جبکہ 10 ہزارسے زائد تاحال لاپتہ ہیں۔