(روز نامہ قدس ۔آنلائن خبر رساں ادارہ ) صیہونی فوج نے اعتراف کیا ہے کہ غزہ میں فوجی کارروائیوں کے نیتجےمیں یرغمالیوں کی رہائی ناممکن ہے جس کی سب سے بڑی وجہ سرنگوں کا پیچیدہ نظام اور حماس کی حالات پر مضبوط گرفت ہے۔
غیر قانونی صیہونی ریاست اسرائیل کی نام نہاد فوج کی جانب سے سماجی رابطوں کی ویب سائٹ ’ایکس’ پلیٹ فارم پر ایک بیان شائع کیاگیا جس میں غاصب صیہونی فوج نے اعتراف کیا ہے کہ غزہ میں جاری جنگ کے دوران فوجی کارروائیوں سے حماس کے ہاتھوں یرغمال بنائے گئے اسرائیلیوں شہریوں کی رہائی ناممکن ہے۔
فوج نے یہ بات ایک ایسے وقت میں کی جب فوج نےانٹیلی جنس کی مدد سے کیےگئےآپریشن میں غزہ میں منگل کو چھ اسرائیلی قیدیوں کی لاشیں نکالنے کا دعویٰ کیا ہے۔
صیہونی فوج کا خیال ہے کہ غزہ میں زیر حراست تمام قیدیوں کو فوجی آپریشن کے ذریعے واپس کرنا ممکن نہیں ہے جس کی بڑی وجہ غزہ میں تعمیر کردہ سرنگوں کا پیچیدہ نظام اور حماس کی حالات پر مضبوط گرفت ہے۔