غزہ: حماس کے ہاتھوں صیہونی فوج کے پانچ ٹینک تباہ

(روز نامہ قدس ۔آنلائن خبر رساں ادارہ ) فلسطینی مزاحمت کاروں نے رفح میں دو مختلف مقامات پر صیہونی فوج کے پانچ ٹینکوں کو نشانہ بنایا۔

غیر قانونی صیہونی ریاست اسرائیل  کے مظالم کے خلاف برسرپیکار اسلامی مزاحمتی تحریک حماس کے عسکری ونگ شہید عزالدین القسام بریگیڈ نے اپنے ایک مختصر بیان میں  غزہ میں دو مختلف مقامات پر کارروائیوں میں صیہونی فوج کے پانچ ٹینکوں کو تباہ کرنے کا اعلان کیا ہے۔

جاری بیان میں بتایا گیا ہے کہ  مجاہدین نے غزہ کے سرحدی علاقے رفح کے مغرب میں تل السلطان محلے میں ابو سلطان جنکشن کے قریب ایک اسرائیلی ٹینک کو ال یاسین 105 گولے سے نشانہ بنایا  جبکہ دوسری کارروائی  تل السلطان میں ہی ابو الدقاء موڑ کے قریب کی گئی جس میں چار مرکاوہ ٹینکوں کو نشانہ بنایا گیا ۔