( روز نامہ قدس ۔آنلائن خبر رساں ادادہ) تحریک حماس کے عسکری ونگ، شہید عزالدین القسام بریگیڈ نے "فلاڈیلفیا ” کے محور میں صیہونی ریاست کے ایک اہم کمانڈ سائٹ کو 107 میزائلوں سے نشانہ بنانے کا اعلان کیا ہے۔
اس کارروائی میں القسام نے غزہ کے شمال میں متعدد کامیاب اہداف پر کارروائیاں کیں، جن میں ایک اسرائیلی فوجی کو نشانہ بنا کر زخمی کرنا اور شمالی غزہ کے جبالیہ کیمپ کے وسط میں 5 اسرائیلی فوجیوں کو قریبی فاصلہ سے ہلاک کرنا شامل ہے۔ مزید یہ کہ، انہوں نے ٹی بی جی شیل کے ذریعے اسرائیلی فوج کی رکاوٹوں کو بھی توڑا۔
القدس بریگیڈز نے اسرائیلی قابض فوجیوں کو مارٹر گولوں سے حملوں کا نشانہ بنانے اور ایک جاسوسی ڈرون طیارہ قبضے میں لینے کا دعویٰ کیا ہے۔ اس کے علاوہ، القسام مجاہدین نے ایک بوبی ٹریپ کے ذریعے 11 اسرائیلی فوجیوں پر حملہ کیا، جس سے کئی ہلاک اور زخمی ہو گئے۔ ان تمام کارروائیوں کی تفصیلات، غزہ کی جدوجہد میں عسکری تنظیموں کی بڑھتی طاقت کی عکاسی کرتی ہیں۔