رام اللہ (روز نامہ قدس ۔آن لائن خبر رساں ادارہ) فلسطینی اتھارٹی کی ماتحت پولیس کی طرف سے صحافیوں کی گرفتاری پر غرب اردن کے صحافتی حلقوں کی طرف سے شدید رد عمل سامنے آیا ہے۔
روز نامہ قدس کو موصول ہونے والی اطلاعات کے مطابق رام اللہ پریس کلب کی طرف سے جاری ایک بیان میں ’’النجاح‘‘ ٹی وی چینل کے طولکرم میں نامہ نگار حازم ناصر اور ایک فوٹوگرافر کی گرفتاری کی شدید مذمت کی ہے۔
بیان میں کہا گیا ہے کہ عباس ملیشیا کے ہاتھوں صحافیوں کی گرفتاریاں آزادی اظہاررائے پر پابندی لگانے کی مذموم کوششوں کا حصہ ہیں۔
خیال رہے کہ گذشتہ روزعباس ملیشیا کے انٹیلی جنس حکام نے آزادی صحافت کی خلاف ورزی کرتے ہوئے سینیر صحافی حازم ناصر اور ایک فوٹو جرنلسٹ کو حراست میں لے لیا تھا۔