فلسطین کے مقبوضہ مغربی کنارے کے شمالی شہر بیت لحم میں مشتعل فلسطینی نوجوانوں نے حوسان روڈ پر اسرائیلی کاروں اور ایک بس پر پٹرول بموں سےحملے کیے ہیں جن کے نتیجے میں متعدد گاڑیوں کو نقصان پہنچا ہے تاہم کسی قسم کے جانی نقصان کی اطلاع نہیں مل سکی۔
رپورٹ کے مطابق اسرائیلی میڈیا میں آنے والی خبروں میں بتایا گیا ہے کہ مغربی بیت لحم میں کم سے کم پانچ پٹرول بم یہودی آباد کاروں کی گاڑیوں پر پھینکے گئے جس کے نتیجے میں گاڑیوں کے شیشے ٹوٹ گئے۔رپورٹ میں بتایا گیا ہے کہ فوجیوں نے حوسان روڈ پر یہودی آباد کاروں کی گاڑیوں پر سنگ باری اور پٹرول بم پھینکے کے شبے میں متعدد فلسطینیوں کو حراست میں لیا ہے۔