طولکرم(روز نامہ قدس ۔آن لائن خبر رساں ادارہ)اسرائیلی فوج نے فلسطین کے مقبوضہ مغربی کنارے کے شمالی شہر طولکرم میں ایک 30 سالہ فلسطینی امجد جمال قلق کو گولیاں مار کر شہید کر دیا۔
رونامہ قدس کے مطابق صہیونی فوج نے طولکرم میں عتیل کے مقام پر تعاقب کے بعد فلسطینیوں کو شہید کر دیا۔
شہید فلسطینی سنہ 1948ء کے علاقوں میں محنت مزدوری کرتا تھا۔ اسرائیلی فوج نے غرب اردن میں اس کا تعاقب کیا اور یہ دعویٰ کیا کہ قلق ایک غیر قانونی گاڑی چلا رہا تھا۔
خیال رہے کہ فلسطین کے مقبوضہ علاقوں میں صہیونی فوج کے ہاتھوں فلسطینیوں کے قتل واقعات میں مسلسل اضافہ ہو رہا ہے۔