مقبوضہ مغربی کنارے میں کے ضلع سلفیت کے گاؤں ڈیر اسٹیا میں انتہاء پسند یہودی آباد کار نے جان بوجھ ایک پینتالیس سالہ فلسطینی کسان کو گاڑی تلے روند کر شدید زخمی کردیا۔ زخموں کی تاب نہ لاتےہوئے فلسطینی موقع پر ہی جاں بحق ہوگیا۔
عینی شاہدین نے بتایا کہ گاؤں کے مغرب میں واقع یہودی بستی رفافا کے مرکزی راستے پر یہودی آباد کار نے عبدالمطلب محمد حکیم نامی شہری، جو زیتون اتارنے کے بعد واپس گھر جا رہا تھا، کو روندا۔
مقامی افراد کا کہنا تھا کہ غاصب یہودیوں کی آمد و رفت کی مقامی شاہراہوں پر آئے روز فلسطینی شہریوں کو گاڑی تلے روندنے کے واقعات رونما ہوتے رہتے ہیں۔ اکثر حادثات میں یہودی آباد کار جان بوجھ کر فلسطینیوں کو ہدف بناتے ہیں۔