عراقی مزاحمتی تحریک کا دوسری بار اسرائیل پر ڈرون حملہ

(روز نامہ قدس ۔آنلائن خبر رساں ادارہ) یک ماہ قبل عراق سے کیے گئے ڈرون حملے میں صیہونی فوج کے ایک اڈے کو نشانہ بنایا تھا جس کے نتیجے میں دو فوجی ہلاک اور 20 زخمی ہو گئے تھے۔

عراق میں اسلامی مزاحمت نے اعلان کیا کہ اس نے غزہ اور لبنان میں اپنے بھائیوں کےساتھ غیر قانونی صیہونی ریاست اسرائیل کے  مظالم کے خلاف ایک بار پھر شمالی اسرائیل میں ڈرون کے ذریعے ایک اہم ہدف پر بمباری کی ہے۔

عراقی اسلامی مزاحمت نے ایک بیان میں کہا کہ وہ صہیونیوں کے مضبوط قلعوں کو مسمار کرنا جاری رکھیں گے اور دشمن کو سکھ کا سانس نہیں لینے دیں گے۔

قابض فوج نے دعویٰ کیا ہے کہ عراق آنے والے ایک ڈرون کے نتیجے خطرے کے سائرن بجائے گئے اور ہزارو غیر قانونی صیہونی آبادکاروں کو پناہ گاہوں  میں جانے پر مجبور کیا گیا تاہم اسرائیلی فوج کا کہنا ہے کہ اس نے تین ڈرون کو کامیابی سے گرادیا۔