(روزنامہ قدس ۔آن لائن خبر رساں ادارہ) بھارت اور اسرائیل کی جانب سے مقبوضہ کشمیر اور فلسطین میں انسانی حقوق کی بدترین پامالیاں کی جارہی ہیں.
وزیربرائے امور کشمیر علی امین گنڈا پور نے امن کے عالمی دن کے موقع پر جاری اپنے پیغام میں کہا ہے کہ عالمی برادری اور اقوام متحدہ کو فلسطین اور کشمیر جیسےعشروں سے جاری تنازعات کے حل کے لئے اپنا کردار ادا کرنا چاہیے۔
انہوں نے کہا کہ بھارت نہ صرف کشمیر کے بارے میں اقوام متحدہ کی قرار دادوں پر عملدرآمد کرنے سے انکار کررہاہے بلکہ مقبوضہ کشمیر میں انسانی حقوق کی سنگین خلاف ورزیوں میں بھی ملوث ہے۔
علی امین گنڈا پور نے کہاکہ وزیراعظم عمران خان نے کشمیر کے تنازع کو تمام عالمی فورمز پر بھرپور انداز میں اٹھایا ہے۔