(روز نامہ قدس ۔آنلائن خبر رساں ادارہ ) صیہونی فوج کے ترجمان کاکہنا ہے کہ ممکنہ طور پر یرغمالیوں کو غزہ کے اندر زیر زمین سرنگوں میں رکھا گیا ہے”ہم جانتے ہیں کہ سرنگوں کی وجہ سے زمینی کارروائی پیچیدہ ہوگی”۔
گذشتہ روز غیر قانونی صیہونی فوج کے ترجمان کی جانب سے امریکی نشریاتی ادارے سی این این کو دیئے گئے ایک انٹر ویو پر اپنے سخت ردعمل کا اظہار کرتے ہوئے اسرائیلی دفاعی تجزیا نگاراور ریٹائرڈ ایئر وائس مارشل شان بیل نے کہا ہے کہ اسرائیلی فوج کے لئے طاقت کے زور پر غزہ سے یرغمالیوں کو بازیاب کرانا قریب قریب ناممکن ہے۔
انھوں نے کہا کہ یرغمالیوں کو مذاکرات کے ذریعے بازیاب کرانے کی کوشش کی جائے تو بہتر ہوگا طاقت کا استعمال غزہ میں اسرائیلی فوج کو نقصان دے گا ، اسرائیلی فوج حماس سے غزہ میں گراؤنڈ بیٹل کرنے میں زیادہ کامیاب نہیں ہوسکتی ہے۔
انھوں نے اسرائیلی فوج کے ترجمان کے انٹر ویو پر تنقید کی جس میں ترجمان کا کہنا تھا کہ ممکنہ طور پر یرغمالیوں کو غزہ کے اندر زیر زمین سرنگوں میں رکھا گیا ہے”ہم جانتے ہیں کہ سرنگوں کی وجہ سے زمینی کارروائی پیچیدہ ہوگی تاہم اسرائیلی فوج ایکشن کیلئے تیار ہے”۔
ریٹائرڈ ایئر وائس مارشل شان بیل نے کہا کہ اسرائیلی فوج ایکشن کیلئے تیار تو ہے لیکن سوال یہ ہے کہ ہم غزہ کے اندر قیدیوں کے بارے میں کیا جانتے ہیں اور ان کی رہائی کے لیے کیا کوششیں کی جا رہی ہیں؟۔