(روزنامہ قدس ۔آنلائن خبر رساں ادارہ ) صیہونی پولیس کا بیت المقدس کے علاقے ترابین پر دھاوا ، مزاحمت 4 بچوں سمیت 10 فلسطینی گرفتار، پولیس نے فلسطینی گھروں کو منہدم کردیا
تفصیلات کے مطابق صیہونی پولیس اور اسرائیلی میونسپلٹی نے مقبوضہ بیت المقدس کے علاقے ترابین میں فلسطینی علاقوں پر دھاوا بولا، متعدد فلسطینی گھروں اور دکانوں کو بلڈوزرسے نقصان پہنچایا اور علاقہ مکینوں پر تشدد کیا ، مزاحمت کرنے پر اسرائیلی پولیس نے چار بچوں سمیت دس فلسطینیوں کو گرفتار کرلیا ۔
علاقے کے سربراہ محمود ھجاز نے بتایا کہ اسرائیلی میونسپلٹی نے فلسطینیوں کی دوکانوں کو خالی کرنے کا نوٹس دیا تھا ، ان کا کہنا تھا کہ یہ ہماری جائداد ہیں ہمارے بزرگوں نے ان کو خریدا تھا یہ کوئی غیرقانونی نہیں جو ہم خالی کردیں ، اگر صیہونی حکام ان کو خالی کرانا چاہتے ہیں تو ہمیں معاوضہ دیں، بغیر معاوضہ کسی صورت اپنی جائیدادیں صیہونی ریاست کے حوالے کرنے کو تیار نہیں ہیں۔