جنین (روز نامہ قدس ۔آن لائن خبر رساں ادارہ) فلسطین کے مقبوضہ مغربی کنارے کے شمالی شہر جنین میں قباطیہ کے مقام پر اسرائیلی پولیس نے ایک فلسطینی نوجوان کا تعاقب کرنے کے بعد گولیاں مار کر اسےشہید کر دیا۔ شہید فلسطینی کی شناخت محمد مجد کمیل کے نام سے کی گئی ہے جو سنہ 1948ء کے مقبوضہ علاقے عرابہ البطوف کا رہائشی ہے۔
روز نامہ قدس کو موصول ہونے والی اطلاعات کے مطابق مقامی فلسطینی ذرائع نے بتایا کہ اسرائیلی پولیس ایک فلسطینی نوجوان کا تعاقب کرتے ہوئے زیر تعمیرعمارت میں داخل ہوگئی۔ فلسطینی نوجوان اس میں موجود تھا اور اس نے اسرائیلی پولیس کے ڈر سے بھاگنے کی کوشش کی مگر اسرائیلی پولیس اسے گولیاں مار دیں جس کے نتیجے سے وہ مکان کی چھت سے گر کر شہید ہوگیا۔
مقامی فلسطینی ذرائع کا کہنا ہے کہ اسرائیلی پولیس نے فلسطینی نوجوان کو دانستہ طور پر گولیاں ماریں جس کے نتیجے میں وہ جام شہادت نوش کر گیا۔