(روز نامہ قدس ۔آنلائن خبر رساں ادارہ ) صیہونی فوج فلسطینیوں کو اپنے ہی ملک سے بے دخل کرنے کے لئے نت نئے مظالم جاری رکھے ہوئے ہے جس کا مقصد فلسطینیوں کو ملک سے ہجرت کرنے پر مجبور کرنا ہے۔
فلسطینی ذرائع کے مطابق غیر قانونی صیہونی ریاست اسرائیل کی نام نہاد سیکیورٹی فورس نے مقبوضہ بیت المقدس کے جبل المکبر قصبے میں السلعہ کے محلے میں ایک فلسطینی خاندان کے گھر کو غیر قانونی قرار دیتے ہوئے خود مسمار کرنے کی ہدایت کی ہے بصورت دیگر ان پر بھاری جرمانے کے ساتھ ساتھ قید کی سزاسنانے کی دھمکی دی ہے۔
اسعد جراح کا کہنا ہے کہ یہ ان کا آبائی گھر ہے جو گذشتہ کئی عشروں سے ان کے استعمال میں ہے لیکن صیہونی حکام کا کہنا ہے کہ اس گھر کی تعمیر کے لئے اسرائیلی حکام سے اجازت نا مہ حاصل نہیں کیا گیا ، انھوں نے بتایا کہ یہ گھر اسرائیل کے غیر قانونی قبضے سے پہلے سے موجود ہے۔