رام اللہ (روز نامہ قدس ۔آن لائن خبر رساں ادارہ) صیہونی فوجیوں نے مقبوضہ مغربی کنارے کو جارحیت کا نشانہ بناتے ہوئے کم از کم تیرہ فلسطینیوں کو گرفتار کر لیا۔
روز نامہ قدس کو موصول ہونے والی اطلاعات کے مطابق فلسطینی ذرائع نے بتایا کہ اسرائیلی فوجیوں نے بدھ کے روز غرب اردن کے علاقوں بیت لحم اور طولکرم پر حملہ اور فلسطینیوں کے مکانات پر دھاوا بول دیا نیز تیرہ فلسطینیوں کو حراست میں لے لیا۔
گرفتاری میں لیے جانے والے شہریوں کی شناخت امیر مراد طقاطقہ، محمود نبیل ثوابتہ، اسماعیل رائد طقاطقہ، علی ایمن طقاطقہ، عمر ذیاب ثوابتہ، مامون ابراہیم العمور، صہیب احمد العمور،احمد فتحی العمور، سیف محمود العمور اور موسیٰ محمود العمور کے نام سے کی گئی ہے۔