غرب اردن (روز نامہ قدس ۔آن لائن خبر رساں ادارہ) اسرائیلی فوج نے آج جمعرات کو فلسطین کے مقبوضہ مغربی کنارے کے مختلف شہروں میں گھر گھر تلاشی کی کارروائیوں میں 19 فلسطینیوں کو حراست میں لے لیا ہے۔
روز نامہ قدس کو موصول ہونے والی اطلاعات کے مطابق اسرائیلی فوج کی طرف سےجاری کردہ ایک بیان میں کہا گیا ہے کہ غرب اردن سے 19 فلسطینیوں کو گرفتارکیاگیاہے۔ ان میں بعض فلسطینیوں کو اسرائیلی فوج کے خلاف مزاحمتی کارروائیوں کے الزام میں گرفتار کیا گیا۔
بیان میں کہا گیاہے کہ فلسطینیوں کے خلاف سرچ آپریشن میں دیسی ساختہ ’’کارلو‘‘ پستول اور دیگر ہتھیار بھی برآمد کیے گئےہیں۔
عینی شاہدین کا کہنا ہے کہ اسرائیلی فوج نے بیرزیت یونیورسٹی کے ہاسٹل پر چھاپہ مارا اور وہاں پر موجود متعدد طلباء کو حراست میں لے لیا۔
اسرائیلی فوج نے بیرزیت یونیورسٹی کےہاسٹل پر چھاپے کے دوران طالب علم رہنما عمر حسین پر تشدد کیا اور بعد ازاں اسے حراست میں لے لیا گیا۔
رام اللہ کےنواحی علاقے المزرعہ میں اسرائیلی فوج نے چھاپہ مار کارروائی کے دوران سابق اسیر محمدعبید کو حراست میں لےلیا۔ اس کے علاوہ سابق اسیر احمد یوسف خروب کو جلزون کے مقام سےحراست میں لیا۔
غرب اردن کے شمالی شہر نابلس میں تلاشی کےدوران شہید جمال منصور کے بیٹے بکر منصور کو حراست میں لیا۔
جنوبی نابلس میں کفرقلیل کےمقام پر تلاشی کےدوران عبداللہ فائز المشعطی کوحراست میں لے لیا۔
اسرائیلی فوج نے مشرقی بیت لحم میں الشوارۃ کے مقام پر تلاشی کے دوران سابق اسیر جمیل ابراہیم درعاوی اور محمد موسیٰ العسعس اوربیت فجار سے یوسف طاطقہ کو گرفتار کرلیا۔