الخلیل (روز نامہ قدس ۔آن لائن خبر رساں ادارہ) مقبوضہ مغربی کنارے کے جنوبی شہر الخلیل میں جمعرات کو اسرائیلی فوج نے ایک اسکول پر دھاوا بول دیا۔ اسکول پر وحشیانہ فائرنگ اور آنسوگیس کی شیلنگ کی گئی جس کے نتیجے میں گولیاں لگنے اور آنسوگیس کی شیلنگ سے30 بچے زخمی ہوگئے۔
روز نامہ قدس کو موصول ہونے والی اطلاعات کے مطابق اسرائیلی فوج اور صیہونی آباد کاروں نے الخلیل میں ایک اسکول پر دھاوا بولا اور اسکول میں موجود بچوں پر آنسوگیس کے گولے برسائے۔ اسرائیلی فوج کی شیلنگ کے نتیجے میں تیس بچے بے ہوش ہوگئے۔ انہیں علاج کے لیےاسپتال منتقل کردیا گیا ہے۔
ادھر اسکول کی انتظامیہ کا کہنا ہے کہ اسکول پر دھاوے کے وقت صیہونی آباد کار قتل کردو ان مجرموں کو نعرے لگا رہے تھے۔