(روزنامہ قدس ۔آن لائن خبر رساں ادارہ) آج صبح صیہونی فوج نے مقبوضہ بیت المقدس میں کار حملے میں ملوث ہونے کے الزام میں 20 سالہ لڑکی کو گھر سے گرفتارکرلیا۔
تفصیلات کے مطابق آج صبح صیہونی فوج نے بیت المقدس کے ضلع "العیسویہ” کے علاقے سے 20 سالہ فلسطینی لڑکی سحر بن خالد کواس کے گھرسے گرفتارکر لیا، صیہونی فوج نے دعویٰ کیا ہے کہ سحربن خالد "بیت المقدس” میں غیر قانونی صہیونی بستی "عطروت” کے قریب اسرائیلی پولیس پر کار حملے میں ملوث ہے۔
اسرائیلی پولیس نے اپنے بیان میں کہا کہ گذشتہ رات اسرائیلی سرحدی پولیس افسر اور آبادکار وں پر تیز رفتار کار سے حملہ کیا گیا تھا۔ انہوں نے مزید کہا کہ اسرائیلی پولیس نے واقعے کی تحقیقات شروع کر دی ہیں جس کے تحت مزید گرفتاریاں عمل میں آنے کا امکان ہے۔