(روزنامہ قدس ۔آن لائن خبر رساں ادارہ) صیہونی فوج نے مقبوضہ بیت المقدس کے مختلف علاقو ں میں چھاپہ مارکارروائیوں کےد وران چھ فلسطینیوں کو ان کے گھروں سے اغواء کرلیا۔
مقامی ذرائع کے مطابق صیہونی فو ج نے علی الصبح مقبوضہ بیت المقدس کے شمال مشرقی علاقے قلندیہ کے پناہ گزین کیمپ پر دھاوا بولا اور ایک فلسطینی جس کی شناخت محمد ابو شناب سے ہوئی اس کو گھر سے اغواء کرلیا ۔
صیہونی فوج نے مقبوضہ بیت المقدس کے مضافاتی علاقے راس العمود سے دو کمسن سگے بھائیوں کو اغواء کیا جبکہ رام اللہ شہر کے علاقے نعلین کے رہائشی ایک ہی خاندان کے تین افراد کو اغواء کرکے نامعلوم مقامات پر متنقل کردیا ہے ۔