(روزنامہ قدس ۔آن لائن خبر رساں ادارہ) قابض فوج نے فلسطینی صحافی کو اس وقت گرفتارکیا جب وہ صحافتی اپنی ذمہ داریاں پوری کرنے کے بعد گھر پہنچے تھے، رواں سال یہ چوبیسویں صحافی ہیں جس کو صیہون فوج نے بغیر کسی جرم کے گرفتارکیا ہے۔
مقامی ذرائع کے مطابق صیہونی فوج نے گزشتہ روز علی الصبح مقبوضہ بیت المقدس کے شہر نابلس سے فلسطینی صحافی عبدالرحمان طاہر کو بغیر کسی جرم کے گھرپرچھاپہ مارکارروائی کے دوران اس وقت گرفتارکیا جب وہ اپنی صحافتی ذمہ داریاں پوری کرنے کےبعد واپس گھر لوٹے تھے ، اسرائیلی فوج نے عبدالرحمان طاہر کو گرفتارکرکے نامعلوم مقام پر منتقل کردیا ہے ۔
واضح رہے کہ قابض صیہونی فوج اور پولیس نے رواں سال فلسطینی صحافیوں پر 270سے زائد حملے اور گرفتاریاں کی جن میں سے 50 سنگین نوعیت کے تھے جس میں صحافی شدید زخمی اور ایک صحافی اپنی آنکھ سے محروم ہوا۔