(روزنامہ قدس ۔آن لائن خبر رساں ادارہ) صیہونی فوج نے فلسطینی شہری اس کی بیوی اور دو بیٹوں سمیت گیارہ فلسطینی شہریوں کو ان کے گھروں سے اغواکرنے کے بعد نامعلوم مقام پر منتقل کردیا ۔
مقامی ذرائع کے مطابق صیہونی فوج نے مقبوضہ بیت المقدس کے شہر الخلیل کے علاقے یطا میں ایک فلسطینی شہری فیصل بجر کے گھر پر چھاپہ مارا اور اس کی اہلیہ ماہا اور اس کے دونوں بیٹوں سمیت گرفتار کرلیا ، بیت لحم میں العروب پناہ گزین کیمپ پر چھاپے میں 24 سالہ عبدالفتح اور دو دیگر نوجوانوں کو گرفتارکیا جبکہ عیدہ پناہ گزین کیمپ سے 26 سالہ فاروق عبدیر اور 32 سالہ خالد صلھب کو گرفتارکرکے نامعلوم مقام پر منتقل کردیا ۔