مقبوضہ بیت المقدس (روز نامہ قدس ۔آن لائن خبر رساں ادارہ) اسرائیل کے بئر سبع شہرمیں قائم ایک فوجی عدالت نے جزیرہ نما النقب سے تعلق رکھنے والی دو فلسطینی لڑکیوں کو اسرائیلی ریاست کے خلاف دشمنی کےالزام میں قید کی سزا سنائی ہے۔
روز نامہ قدس کو موصول ہونے والی اطلاعات کے مطابق اسرائیلی عدالت سے جزیرہ النقب کے اللقیہ کے علاقے کی تسنیم الاسد کو پانچ سال قید کی سزا سنائی ہے۔ تسنیم یونیورسٹی کی طالبہ ہیں۔ اس کےعلاوہ اسرائیلی عدالت نے تسنیم اسد کی چچا زاد رحمت اسد کو ساڑھے چار سال قید کی سزا سنائی ہے۔
اسرائیلی عدالت میں مقدمہ کی کارروائی کے دوران دونوں فلسطینی خواتین پر اسرائیل اور صیہونی ریاست کے خلاف سرگرمیوں میں حصہ لینے کا الزام عائد کیا گیا۔ دونوں خواتین کو 2017ء میں حراست میں لیا تھا۔
خیال رہے کہ جزیرہ نما النقب میں 2 لاکھ 40 ہزار فلسطینی رہائش پذیر ہیں مگر انہیں اسرائیلی ریاست کی طرف سے مختلف طرح کے جبری نقل مکانی کے حربوں کا سامنا ہے۔