(روزنامہ قدس ۔آن لائن خبر رساں ادارہ) قابض ریاست نے فلسطینی علاقوں میں صیہونی آبادکاروں کے صنعتی مقاصد کے لیے 200 عمارتوں اور ہوٹلوں کے 900 کمروں کی تعمیر کی منظوری دے دی ہے۔
قابض صیہونی ریاست کے عبرانی ٹی وی نے اپنی رپورٹ میں انکشاف کیا ہے کہ دو روز قبل اسرائیلی پلاننگ و تعمیرات کمیٹی نے مقبوضہ بیت المقدس میں وادی الجوز کے مقام پر صیہونی اثرورسوخ کو مزیدمضبوط کرنے کیلئے صیہونی آبادکاروں کے صنعتی منصوبے کے تحت کارخانوں کے قیام کے لیے 200 عمارتیں تعمیر کرنے کی منظوری دی ہے اور اس کے ساتھ ساتھ ہوٹلوں کے 900 سے زائد کمروں کی تعمیر کی بھی منظوری دی گئی ہے۔
وادی الجوز کی اس نام نہاد صنعتی کالونی ترک ٹریفک کی رسائی کے لیے میٹرو ٹرین کا ٹریک بنانے اور وادی قدرون کے قریب ایک پارک کی تعمیر کی بھی منظوری دی گئی ہے۔
القدس میں اسرائیلی بلدیہ کے چیئرمین موشے لیون نے مشرقی بیت المقدس میں صنعتی زون کے قیام کو ایک تاریخی پیش رفت قرا دیتے ہوئے کہا ہے کہ اسرائیل اپنے مقاصد کو کبھی نہیں بھولے گا اور ترقی کی راہیں عبورکرتا جائے گا ۔