(روز نامہ قدس ۔آنلائن خبر رساں ادارہ) حماس کے رہنما اسامہ ہمدان نے غیر قانونی صیہونی ریاست اسرائیل کے ساتھ جنگ بندی کی کوششوں پر تبصرہ کرتے ہوئے کہا کہ دشمن ہر مذاکراتی مرحلے پر طے شدہ معاہدوں کی خلاف ورزی کرتا ہے۔
انہوں نے اتوار کے روز تحریک کے الاقصیٰ سیٹلائٹ چینل کو انٹرویو دیتے ہوئے کہا: صیہونی”دشمن غزہ کی پٹی سے مکمل طور پر پیچھے ہٹنے اور جارحیت کو روکنے کے لیے تیار نہیں ہے، "ہم نے قیدیوں کے معاملے پر لچک دکھائی، اس شرط پر کہ جارحیت کو روکا جائے، غزہ سے مکمل انخلا ہو، اور انسانی امداد اور تعمیر نو بلا شرط ممکن بنائی جائے۔”
انہوں نے اس بات کی نشاندہی کی کہ تحریک نے ثالثوں، ترکی اور دیگر ممالک کے ساتھ روابط قائم کیے ہیں تاکہ بین الاقوامی برادری کو متحرک کیا جا سکے اور غیر قانونی صیہونی ریاست کو جنگ بندی کا پابند بنایا جا سکے۔