غزہ (روز نامہ قدس ۔آن لائن خبر رساں ادارہ) فلسطین میں انسانی حقوق کے لیے کام کرنے والے اداروں نے انکشاف کیا ہے کہ خواتین قیدیوں کے لیے مختص اسرائیل کے ’’دامون‘‘ عقوبت خانے میں پابند سلاسل اسیرات کو زہریلا اور مضر صحت خوراک دی جا رہی ہے جس کے نتیجے میں کئی خواتین قیدی المناک وباؤں کا شکار ہو رہی ہیں۔
روز نامہ قدس کو موصول ہونے والی اطلاعات کے مطابق شہداء و اسیران فاؤنڈیشن کی طرف سے جاری کردہ رپورٹ میں کہا گیا ہے کہ ’’دامون‘‘ جیل میں قید فلسطینی اسیرات کو مضر صحت خوراک دی جاتی ہے۔
رپورٹ میں ’’دامون‘‘ حراستی مرکز میں قید فلسطینی خواتین کو درپیش غیرانسانی حالات پر تفصیل سے روشنی ڈالی جاتی ہے۔ خواتین کو الفورہ ’’اجتماعی وفقہ‘‘ ،لائبریری میں مطالعے اور غسل اور کچن میں اپنی مرضی کی چیزیں پکانے کی اجازت نہیں۔ اسرائیلی حکام نے اسیران کی پرائیویسی کےحقوق کی خلاف ورزی کرتے ہوئے جگہ جگہ خفیہ کیمرے لگائے گئے ہیں۔ اسیرات کو کئی کئی روز پرانی،باسی اور متعفن غذا دی جاتی ہے۔