رام اللہ (روز نامہ قدس ۔آن لائن خبر رساں ادارہ) صیہونی حکام نے زیرحراست ایک فلسطینی شہری کی 4 ماہ قید پوری ہونے پر اس کی رہائی سے ایک روز قبل اسے مزید چھ ماہ کی انتظامی قید میں منتقل کر دیا۔
روز نامہ قدس کو موصول ہونے والی اطلاعات کے مطابق 35 سالہ اسیر عبداللہ محمد البرغوثی کو گذشتہ روز رہا کیا جانا تھا مگر اسرائیلی حکام نے اس کی رہائی سے پہلے ہی اس کی قید میں چھ ماہ کا اضافہ کر دیا۔
عبداللہ البرغوثی کا تعلق رام اللہ کے نواحی علاقے دیر غسانہ سے ہے۔ وہ 10 سال پہلے بھی قید کاٹ چکا ہے۔ اسے نومبر 2016ء کو 10 سال قید کے بعد رہا کیا گیا تھا۔ عبداللہ اس وقت ’’عوفر‘‘ جیل میں قید ہے۔