الخلیل (روز نامہ قدس ۔آن لائن خبر رساں ادارہ) فلسطین کے مقبوضہ مغربی کنارے کے جنوبی شہر الخلیل میں کریات اربع صیہونی کالونی کے آبادکاروں نے فلسطینی اتھارٹی کے ماتحت پولیس اہلکاروں کو دیر تک یرغمال بنائے رکھا۔
روز نامہ قدس کو موصول ہونے والی اطلاعات کے مطابق صیہونی آباد کاروں نے فلسطینی پٹرولنگ پولیس کی ایک گاڑی کے قریب ہوائی فائرنگ کی جس کے بعد فلسطینی پولیس کی گاڑی روک دی گئی اور صیہونی آبادکاروں نے اسے چاروں اطراف سے گھیرے میں لے لیا۔
تاہم آدھے گھنٹےکے بعد صیہونی آباد کاروں نے فلسطینی پولیس کو چھوڑ دیا۔