صہیونی فوج کا مغربی کنارے پر حملہ، شمالی قدس میں تین فلسطینی زخمی

(روزنامہ قدس ـ آنلائن خبر رساں ادارہ) اسرائیلی قابض فوج نے مغربی کنارے کے مختلف علاقوں پر دھاوا بول دیا جس کے نتیجے میں شمالی قدس میں کم از کم تین فلسطینی زخمی ہو گئے۔

فلسطینی ذرائع کے مطابق صہیونی فوج نے الخلیل، مشرقی نابلس اور طوباس کے علاقوں سمیت متعدد مقامات پر حملے کیے۔

ذرائع نے بتایا کہ قلندیا پناہ گزین کیمپ کے مضافات میں صہیونی فوجیوں کی فائرنگ سے تین فلسطینی زخمی ہوئے جب کہ کیمپ کے داخلی دروازے پر فلسطینی نوجوانوں اور قابض فوج کے درمیان جھڑپیں بھی ہوئیں۔

دوسری جانب فلسطینی انفارمیشن سینٹر "معطی” کی رپورٹ میں انکشاف کیا گیا ہے کہ ساتھ اکتوبر 2023 سے بائیس اکتوبر 2025 کے دوران مغربی کنارے میں سفاک صہیونی آبادکاروں کی جانب سے پانچ ہزار آٹھ سو چونتیس حملے ریکارڈ کیے گئے ہیں۔

رپورٹ کے مطابق صرف موجودہ ماہ اکتوبر میں ہی تین سو اکیاسی حملے کیے گئے جن میں فلسطینیوں پر جسمانی تشدد، املاک کی تباہی اور کھیتوں و زرعی زمینوں پر قبضے شامل ہیں۔

مزید بتایا گیا کہ اکتوبر 2023 سے شروع ہونے والے حملوں کے سلسلے میں اب تک انتیس فلسطینی شہید اور ایک سو انسٹھ زخمی ہو چکے ہیں۔

رپورٹ میں اس بات کی بھی نشاندہی کی گئی ہے کہ ظالم صہیونی آبادکاروں نے فلسطینی شہریوں اور ان کی گاڑیوں پر چھ سو ترانوے فائرنگ اور چھ سو بیانوے سنگ باری کے واقعات انجام دیے۔

غاصب اسرائیلی پارلیمنٹ (کنسٹ) نے ایسے وقت میں مغربی کنارے کو قابض اسرائیل میں الحاق کا قانون منظور کر لیا جب غزہ میں جنگ بندی کے امکانات پر بات ہو رہی ہے۔