(روزنامہ قدس ۔آن لائن خبر رساں ادارہ) موقع پر موجود عینی شاہدین نے بتایا کہ یہودی آباد کاروں کی گاڑی فلسطینی بچے کو روندنے کے بعد کریات اربع یہودی کالونی میں چلی گئی۔
ذرائع کے مطابق گزشتہ روز مقبوضہ فلسطین کےشہر الخلیل میں یہودی کالونی کریات اربع کے آباد کاروں نے ایک فلسطینی بچہ گاڑی تلے روند تے ہوئے شدید زخمی کردیا۔
عینی شاہدین کے مطابق یہودی کالونی کریات اربع کی جانب سے آنے والی تیز رفتار گاڑی نےشرپسندی پھیلاتے ہوئے پیدل چلنے والے راہگیروں پرگاڑی کی رفتار بڑھادی جس کے نتیجے میں معصوم بچہ گاڑی کی ذد میں آکر شدید زخمی ہوگیا۔
آبادکارفلسطینی بچے کوذخمی حالت میں چھوڑکر کریات اربع یہودی کالونی میں فرار ہو گئے۔
زخمی ہونے والے بچے کو مقامی ہسپتال منتقل کردیا گیا ہے جہاں اس کی حالت تشویشناک بتائی جاتی ہے۔