(روزنامہ قدس ۔آن لائن خبر رساں ادارہ) مقبوضہ فلسطین میں قابض فوج کے تشدد کے بعد قیدی انس المسلمہ کو نظر بند کر دیا جس کے بعد سے اسیر کے اہل خانہ کو ان کی کوئی خبر نہیں ہے ۔
گزشتہ روز قابض ریاست میں الخلیل کے جنوب میں واقع دورا قصبے سے تعلق رکھنے والے فلسطینی قیدی انس المسلمہ کے حوالے سے خبر موصول ہوئی ہے جس کے مطابق انہیں صہیونی غیر قانونی انتظامی قید میں اسیری کے دوران شدید تشدد کا نشانہ بناتے ہوئے غاصب جیل حکام نے نظر بند کر دیا ہے ۔
ایک ہفتے سے جاری اس نظر بندی اور تشدد کے خلاف اسیر کے اہل خانہ نے تشویش کا اظہار کیا ہے اور صہیونی جیل حکام سےانس المسلمہ کی فوری نظر بندی ختم کرنے کی اپیل کی ہے ۔
خیال رہے کہ مقبوضہ فلسطین میں قابض فوج نے بہت سی بد نام زمانہ غیر قانونی انتظامی جیلیں قائم کر رکھی ہیں جن میں روزانہ کی بنیاد پر ہزاروں بے گناہ فلسطینی باشندوں کو سنگین سزائیں دی جاتی ہیں ۔