(روزنامہ قدس ۔آن لائن خبر رساں ادارہ) مقبوضہ فلسطین کے علاقے الخلیل کے شہر دورا میں فلسطینی مزدور کو صہیونی آبادکاروں نے چاقو کے پے در پےوار کر کےشدیدزخمی کردیا۔
ذرائع کے مطابق گزشتہ روز مقبوضہ فلسطین کے علاقے الخلیل کے شہر دورا میں عیسیٰ ابو ہلیل نامی ایک فلسطینی نوجوان کو صہیونی آبادکاروں نے اس وقت چاقو سے حملہ کر کے شدید زخمی کردیا جب وہ اپنی مزدوری کےکام سے فارغ ہوکر گھر کی جانب جارہا تھا ۔
مزدور کی گردن اور جسم کے دیگر حصوں پر چاقو کے کئی زخم آئے تاہم موقع پر موجودافراد نے اپنی مدد آپ کے تحت نوجوان کو قریبی ہسپتال منتقل کیا جہاں مزدور کی حالت خراب بتائی جاتی ہے ۔
خیال رہے کہ صہیونی آباد کاروں کی جانب سے دہشت گردی اور تشدد کے واقعات کی نا ختم ہونے والی فہرست میں روزبروز اضافہ ہورہا ہے ۔