(روزنامہ قدس ۔آن لائن خبر رساں ادارہ) فلسطینی شہری کو فلسطینی مزاحمتی کمانڈر اشرف نعالوہ کو پناہ دینے کے الزام میں صیہونی عدالت نے 40 ماہ قید کی سزا اور 10 ہزار شیکل جرمانے کا حکم دیا ہے۔
مقامی فلسطینی ذرائع کے مطابق 13 دسمبر 2012ء سے صیہونی فوج کی حراست میں رہنے والے مقبوضہ مغربی کنارے کے شمالی شہر نابلس کے عسکر کیمپ کے رہائشی فلسطینی شہری عنان بشکار کو قابض صیہونی ریاست کی ایک فوجی عدالت نے شہیدفلسطینی مجاہداور مزاحمتی کمانڈر ر اشرف نعالوہ کو اپنے گھر میں پناہ دینے کے الزام میں 10 ہزار شیکل جرمانہ اور چالیس ماہ قید کی سزا کا حکم دیا ہے۔
واضح رہے کہ عنان بشکار کی یہ پہلی گرفتار نہیں بلکہ اسے 1991ء میں پہلی بار اس وقت گرفتار کیا گیا تھا جب اس کی عمر صرف 15 سال تھی۔ مسلسل 8 ماہ قید میںرکھنے کے بعد اسے 1994ء کو دوبارہ گرفتار کرلیا گیا اور مزید دو سال قید میں رکھا گیا۔سنہ 2002ء کو عنان کو دوبارہ حراست میں لیا گیا اور اسے 20 ماہ تک قید کیا گیا جب کہ 2014ء میں گرفتاری کے بعد اسے 7 ماہ قید کی سزا سنائی گئی تھی۔