جنین (روز نامہ قدس ۔آن لائن خبر رساں ادارہ) فلسطین کے سنہ 1948ء کے مقبوضہ فلسطینی علاقے میں ایک فلسطینی مزدور کو نامعلوم افراد نے پھندے سے لٹکا کر قتل کردیا۔
روز نامہ قدس کو موصول ہونے والی اطلاعات کے مطابق غرب اردن کے شمالی شہر جنین کے رہائشی عبدالفتاح احمد ابو الرب شمالی فلسطین کے باقہ شہر میں محنت مزدوری کے لیے گیا تھا جہاں گذشتہ روز ایک فلیٹ میں اسے مردہ پایا گیا اور اس کی پھندےسے لٹکی لاش برآمد کی گئی تھی۔
اسرائیلی پولیس کا کہنا ہے کہ فلسطینی مزدور کو مردہ پایا گیا تاہم اس کی موت کی وجہ معلوم نہیں ہوسکی۔ وہ اس علاقے میں کافی عرصے سے کام کررہا تھا اور اسے کسی قسم کا ذہنی یا نفسیاتی عارضہ لاحق نہیں تھا۔