(روزنامہ قدس ۔آن لائن خبر رساں ادارہ) ایک ہفتے میں شرپسند یہودی آبادکاروں نے صیہونی پولیس کے ہمراہ فلسطینی کسانوں پر 95 حملے کیئے جس میں فلسطینی کسان تقریبا 100 ٹن زیتون سے محروم ہوگئے۔
مقامی فلسطینی ذرائع کا کہنا ہے کہ یہودی اشرارنے گزشتہ ایک ہفتے کے دوران شمالی غرب اردن اور اس کے مضافات میں صیہونی پولیس کے ہمراہ فلسطینی کسانوں اور ان کے زیتون کے باغات پر 95 مرتبہ حملے کئے، حملوں میں زیتون کے پھل دار درختوں کو نذرآتش کرنے، انہیں جڑوں سے اکھاڑنے، زیتون کے تیار پھلوں کو ضائع کرنے اور تیارشدہ پھل چوری کرنے کے واقعات شامل ہیں۔
یہودی شرپسندوں کے انتقامی حربوں کے نتیجے میں غرب اردن کے غریب کاشت کار 100 ٹن زیتون کے پھل سے محروم ہوگئے ہیں۔ غرب اردن کے شمالی شہر نابلس میں جالود میں زیتون کے پھل توڑنے والے فلسطینیوں پر یہودی شرپسندوں نے اسرائیلی فوج اور پولیس کی فول پروف سیکیورٹی میں حملے کئے۔ ان کے باغات تلف کردیے اور اتارے گئے زیتون کے پھل لوٹ لیے۔