(روزنامہ قدس ۔آن لائن خبر رساں ادارہ)شرپسند صیہونی آباد کاروں کے مسلح گروہ نے فلسطینیوں کے قصبے القبلیہ پر حملہ کیا، گاڑیوں اور گھروں کےشیشے توڑدیئے۔
مقامی ذرائع کےمطابق گزشتہ روز شرپسند صیہونی آبادکاروں کےایک مسلح گروہ نےمقبوضہ بیت القمدس کے شہر نابلس کے جنوبی قصبے القبیلیہ پر حملہ کیا اور گھروں اور گاڑیوں کے شیشے توڑدیئے، صیہونی آبادکاروں نے گھروں کی دیواروں پر اسلام مخالف اور نسل پرستانہ نعرے بھی درج کیئے۔
مقامی ذرائع کا کہنا ہے کہ فلسطینی نوجوانوں نے شرپسند صیہونی آبادکاروں کے حملے کے ردعمل میں پتھراؤ کیا، مسلح آبادکار جن کو اسرئیلی فوج کی سرپرستی حاصل تھی انھوں نے اس دوران فلسطینی نوجوانوں پر فائرنگ کی اور آنسو گیس کے شیل فائر کیئے تاہم اس حملے میں کسی کےزخمی ہونے کی اطلاع نہیں ملی جبکہ بعض افراد آنسو گیس کی شیلنگ کےباعث بے ہوش ہوگئے جنھیں قریبی اسپتال منتقل کیا گیا۔