شدید گرمی کے باعث بیت المقدس میں کئی مقامات پر آگ بھڑک اٹھی

بیت المقدس (روز نامہ قدس ۔آن لائن خبر رساں ادارہ)فلسطین کے مقبوضہ بیت المقدس میں شدید گرمی کے باعث متعدد مقامات پر آگ بھڑک اٹھی۔روزنامہ قدس کے مطابق بیت المقدس میں گذشتہ روز درجہ حرارت 41 درجے سینٹی گریڈ ریکارڈ کیا گیا جس کے باعث شہر میں متعدد مقامات پر آگ بھڑک اٹھی۔القدس اس وقت شدید گرمی کی لپیٹ میں ہے اور گرمی کی لہر آئندہ ہفتے کے اوائل تک جاری رہے گی۔ القدس میں اوسط درجہ حرارت 14 درجے سینٹی گریڈ رہتا ہے۔فلسطین کے علاوہ مصر میں اس وقت درجہ حرارت 44 درجے سینٹی گریڈ ہے۔ عراق میں آج جمعہ کو شدید گرمی پڑنے کا امکان ہے۔اردن میں درجہ حرارت 38 درجے اور لبنان میں 40 درجے سینی گریڈ رہنے کا امکان ہے۔ تاہم آئندہ ہفتے سے موسم میں تبدیلی کی توقع کی جا رہی ہے۔