(روزنامہ قدس ۔آن لائن خبر رساں ادارہ) اسرائیلی کے دائیں بازو کی جماعت "شیفی پاز” کا مقبوضہ فلسطین میں یورپی یونین کے سفارتخانے پر حملہ ،شدت پسند یہودی دہشتگردوں نے سفارتخانے میں توڑپھوڑکی اور نفرت انگیز نعرے درج کردیئے۔
مقبوضہ فلسطین پر قابض صیہونی ریاست اسرائیل کے شہر "تل ابیب "میں اسرائیل کی دائیں بازو کی جماعت "شیفی پاز”جو اسرائیل میں تاریکین وطن کی ملک بدری کی شدید حامی اور پناہ گزینوں کواسرائیل سے نکالنے کے لئے سرگرم عمل ہے اس جماعت کے متعدد افراد نے اسرائیلی شہر "تل ابیب” میں "یورپی یونین” کے سفارتخانے پر حملہ کیا، دفترمیں توڑپھوڑ کی اوراسپرے پینٹ سے نفرت انگیز نعرے درج کیئے۔
شدت پسندوں کی جانب سے یورپی یونین پر الزام عائد کرتے ہوئے اسپرے پینٹ سے لکھا "جرمنی کے پیسے یہودیوں کے قتل عام میں استعمال ہوتے ہیں اور "یورپ یہودیوں کا قاتل ہے ” جیسے نعرے درج کیئے ۔
یورپی یونین کے متعدد سفراء نے افسوسناک واقع کی مذمت کی ہے دوسری جانب "آسٹریا” کے سفیر نے واقع کی مذمت کرتے ہوئے کہا ہے کہ اس میں کوئی دو رائے نہیں ہے کہ سائنس نے بہت ترقی کرلی ہے لیکن اس کے باوجود آج بھی تعصب حماقت اور نفرت کے خلاف کارگر کوئی دوا ایجان نہیں کی جاسکی ہے ۔