سینکڑوں آبادکاروں کا بیت لحم میں قدیم تالاب پر دھاوا

مغربی کنارے کے شہر بیت لحم کے جنوب میں ارطاس اور الخضر دیہات کے درمیان واقع قدیم سلیمانی تالاب پر سینکڑوں یہودی آبادکاروں نے گزشتہ روز حملہ کر دیا۔

 

عینی شاہدین نے مرکز اطلاعات فلسطین کے نمائندے کو بتایا کہ عصتیون بستی کے سینکڑوں یہودی آبادکار اسرائیلی فوج کی بھاری نفری کی حفاظت میں پیدل موقع پر آئے تھے۔ انہوں نے بتایا کہ آبادکاروں نے یہاں پہنچ کر تالاب میں تلمودی رسومات کی ادائیگی کا سلسلہ شروع کردیا۔

 

عینی شاہدین نے بتایا کہ آس پاس کے علاقوں کے فلسطینی رہائشیوں نے 500 یا اس سے زیادہ یہودی آبادکاروں کا اس علاقے میں داخلہ روکنے کی کوشش کی مگر آبادکاروں کے ہمراہ آنے والے فوجیوں نے ان کو ایسا کرنے سے روک دیا۔

 

یہ تالاب سلطنت عثمانیہ کے رہنما سلیمان نے بنوائے تھے۔ اوسلو معاہدے کے مطابق یہ تالاب فلسطینی اتھارٹی کے زیر کنڑول ہیں۔

 

 

بشکریہ:مرکز اطلاعات فلسطین