رام اللہ (روز نامہ قدس ۔آن لائن خبر رساں ادارہ) غرب اردن کے شہر رام اللہ میں ہزاروں فلسطینیوں نے امریکی منصوبے سینچری ڈیل کے خلاف مظاہرہ کیا۔
روز نامہ قدس کو موصول ہونے والی اطلاعات کے مطابق امریکہ کے اس ناپاک منصوبے کے تحت فلسطینیوں کے بیت المقدس شہر کو اسرائیلی حکومت کے سپرد کیا گیا ہے جبکہ دیگر ملکوں میں فلسطینی پناہ گزینوں کو اپنے وطن واپس لوٹنے کا بھی حق نہیں ہو گا اور صرف غرب اردن اور غزہ ہی فلسطینیوں کی ملکیت بنیں گے۔
رام اللہ میں کئے جانے والے مظاہرے میں سینچری ڈیل منصوبے کا مقابلہ اور فلسطینیوں میں اتحاد و یکجہتی کا مطالبہ کیا۔
فلسطینیوں نے اعلان کیا کہ امریکہ اور غاصب اسرائیلی حکومت کا مقابلہ کرنے کے لئے فلسطینیوں میں اتحاد و یکجہتی کی اشد ضرورت ہے۔
خیال رہے کہ اس طرح کا بڑا مظاہرہ غزہ میں کیا گیا جہاں فلسطینیوں نے امریکی منصوبے سینچری ڈیل کی مذمت کی اور تاکید کے ساتھ اعلان کیا کہ فلسطینی عوام کبھی اس شرمناک منصوبے کو قبول نہیں کریں گے۔