(روزنامہ قدس ۔آن لائن خبر رساں ادارہ) صیہونی سیکیورٹی فورسز نے سعودی عرب کی فٹ بال ٹیم کی اسرائیل کے ساتھ دوستانہ تعلقات کےقیام کی کوششوں کے تحت القدس آمد کے خلاف احتجاج کرنے والے متعدد فلسطینیوں کو گرفتارکرلیا۔
گزشتہ روز فلسطینی اورسعودی فٹبال ٹیم کا میچ ہوا میچ سے قبل سعودی فٹبال ٹیم نے مسجد اقصیٰ میں نماز ادا کی، سعودی فٹبال ٹیم فلسطینی صدر محمود عباس کی دعوت پر فلسطین آئی ہے جبکہ فلسطینیوں کا کہنا ہے کہ سعودی عرب کی فٹ بال ٹیم کی اسرائیل کے ساتھ دوستانہ تعلقات کےقیام کی کوششوں کے تحت القدس آئی ہے جس کے خلاف فلسطینیوں کی جانب سے بھرپوراحتجاج کیا گیا، گزشتہ روز احتجاج کرنےوالے درجنوں فلسطینیوں کو صیہونی سیکیورٹی فورسز نے جیلوں میں ڈال دیا ہے۔
دوسری جانب غرب اردن میں فلسطینی اتھارٹی کی پولیس اور شہریوں کےدرمیان بھی معمولی جھڑپیں دیکھنے میں آئی ہیں ، شہریوں کی طرف سے رام اللہ اتھارٹی کے اہلکاروں کے خلاف بھی نعرے بازی کی گئی۔
خیال رہے کہ حال ہی میں سعودی عرب کی فٹ بال ٹیم نے فلسطینی اتھارٹی کی دعوت پر رام اللہ اوراس کے بعد القدس کا دورہ کیا۔ سعودی عرب کی فٹ بال ٹیم کی آمد کے خلاف فلسطینی عوامی سطح پر بڑے پیمانے پر احتجاجی مظاہرے بھی کیےگئے ہیں۔